القاهرة _ صوت الإمارات
يعانى الفنان أحمد حلمى من الصفحات غير الرسمية له عبر مواقع التواصل الاجتماعى فيسبوك وتويتر وانستجرام وهو الأمر الذى دفعه لمطالبة جمهوره بالتصدى لمثل هذه الأمور.
وقال "حلمى" عبر صفحته الرسمية بموقع التواصل الاجتماعى فيسبوك: "مساء الخير عليكوا جميعااااا.. أنا طالب منكم خدمة.. ودي أول مرة أطلب فيها خدمة منكم.. أنا هأقولكوا إيه الموضوع، في بعض الأصدقاء والصحفيين الأعزاء كلموني وقالولي إن في أكاونتات كتيرة منتحلة شخصيتي وحاطين صورتي واسمي، وطلبوا مني أرد علي الاكاونتات المزيفة دي لأنهم بيتكلموا بلساني والناس بتصدق وبعض الناس بتشتم من غير حتي ما يتأكدوا إذا كانت الأكونتات دي بتاعتي فعلا ولا لأ"
وأضاف "حلمى" قائلا: "المهم انهم طلبوا مني أرد وأوضح الصورة، فأنا لقيت نفسي بقولهم جملة قولتها قبل كده في احد مشاهد فيلم - ألف مبروك - قولتلهم "والله ما أنا رادد" فضحكوا".
ويشير حلمى إلى "علشان كده ارجوكم اي حد يقابل في وشه اي اكونت يحمل اسمي او صورتي ياريت يتاكد انه حقيقي قبل مايتعامل معاه .. وللعلم انا معنديش اكونتات خالص مش مؤكدة. كلها مؤكدة بعلامة الصح الزرقاء".
وقال حلمى: "الخدمة بقي اللي انا طالبها منكم إن أي حد يشوف أي أكونت منتحل اسمي وصورتي علي فيسبوك او تويتر او انستجرام انه ((يعمل معاه الصح)) وطبعا الصح الي انا اقصده انه ينصحه ويقوله "كده كوخه".. طبعا انا اللي خلاني اطلب هو الحب العشم والله".